Fjölmenningarsetur hefur það hlutverk að greiða fyrir samskiptum fólks af ólíkum uppruna og efla þjónustu við innflytjendur sem búsettir eru á Íslandi.

  • veitir stjórnvöldum, stofnunum, fyrirtækjum, félögum og einstaklingum ráðgjöf og upplýsingar í tengslum við málefni innflytjenda,
  • miðlar upplýsingum til innflytjenda um réttindi þeirra og skyldur,
  • fylgist með þróun innflytjendamála í þjóðfélaginu, meðal annars með upplýsingaöflun, rannsóknum, greiningu og upplýsingamiðlun,
  • koma á framfæri við ráðherra, innflytjendaráð og önnur stjórnvöld ábendingum og tillögum um aðgerðir sem hafa það að markmiði að allir einstaklingar geti verið virkir þátttakendur í samfélaginu óháð þjóðerni og uppruna.

Hjá Fjölmenningarsetri er hægt að leita eftir upplýsingum um margt er varðar daglegt líf á Íslandi, stjórnsýsluna og leita eftir aðstoð varðandi flutning til og frá Íslandi.

Fjölmenningarsetur starfrækir upplýsingasíma á pólsku, serbnesku/króatísku, taílensku, spænsku, litháísku og rússnesku (sjá símanúmer á forsíðu vefsins). Svarað er í upplýsingasímann á þriðjudögum frá klukkan 16:30-19:00 á viðkomandi tungumáli og samskipti eru bundin trúnaði. Þá er alltaf hægt að leita eftir upplýsingum og aðstoð með því að smella á umslagið efst í vinstra horninu á forsíðu vefsins. Pólskumælandi starfsmaður er á skrifstofunni fyrir hádegi alla daga en einnig er tekið við erindum á ensku og spænsku alla daga.

Skrifstofan er opin frá kl. 9-16 virka daga.

Fjölmenningarsetur
Túlkun
Ísland
Stjórnsýsla
Fjármál
Atvinna
Fjölskylda
Húsnæði
Menntun
Heilsa
112
Bílar