EnglishPolishIcelandic

Hjólreiðar og rafmagnshlaupahjól

Hjólreiðar

Hjólreiðar eru sífellt að verða vinsælli og meiri áhersla nú á tímum við að byggja upp hjólastíga, ekki bara vegi og götur fyrir bíla og strætó.

 

Hjól er hægt að kaupa í hjólabúðum allt í kring um landið, en þau er einnig hægt að leigja í lengri eða skemmri tíma. Hjól geta auðvitað verið allt frá ódýrum til mjög dýrra en öll geta þau komið þér frá A til B, fótknúin eða með hjálp lítils rafmótors. Rafmagnshjól njóta nú einnig mikilla vinsælda.  

 

Hjólreiðar á Íslandi er vefsíða þar sem þú getur fundið alls kyns upplýsingar um hjólreiðar, kort af hjólaleiðum á Íslandi, á höfuðborgarsvæðinu og gagnlegar upplýsingar. 

 

Mælt er með notkun hjálms meðan hjólað er og hjálmnotkun er í raun lögboðin fyrir börn og unglinga yngri en 16 ára. Þar sem hjólreiðamenn eru í mörgum tilfellum í umferð við hliðina á bílum og strætisvögnum, eiga þeir á hættu að slasast alvarlega ef slys verða. Svo vinsamlegast verið varkár á sama tíma og njótið ferðarinnar og heilsusamlegrar hreyfingar við að hjóla um. 

Rafmagnshlaupahjól

Önnur frábær leið til að ferðast stuttar vegalengdir innan borgar eða bæja er að nota rafmagnshlaupahjól. Þau er hægt að kaupa í mörgum verslunum en það er í raun óþarfi. Í dag eru mörg fyrirtæki sem bjóða rafmagnshlaupahjól til skammtímaleigu. Hvar sem þú sérð slíkt rafmagnshlauaphjól geturðu hoppað á það og farið af stað hvenær og hvar sem þú ert, þarft bara að borga fyrir þann tíma sem þú er að nota það. Til að nota þjónustuna þarf farsímaforrit til að greiða fyrir hana. Mjög þægilegt segja þeir sem til þekkja og þessi leið til að komast um er hljóðlát og umhverfisvæn, klárlega miðað við að vera einn í þungum, eldsneytissötrandi bíl. 

 

Á rafmagnshlaupahjóli er skilda fyrir fyrir alla yngri en 16 ára að hafa hjálm og mælt með honum fyrir alla. Sömu reglur gilda um rafmagnshlaupahjól og reiðhjól nema að rafmagnshlaupahjólin ekki að nota á götum fyrir bíla, frekar hjólreiðastígum, gangstéttum o.s.frv. Þú getur ferðast nokkuð hratt á rafhlaupahjóli augljóslega, verið því varkár í kringum gangandi umferð sem tekur kannski ekki eftir því þegar þú nálgast hljóðlega og skýst framhjá. 

 

Hér að neðan eru mjög fróðleg myndbönd um notkun rafmagnshlaupahjóla, með íslenskum, enskum og pólskum texta. Þetta er ný leið til að ferðast og vert að skoða til að kynnast þeim reglum sem gilda.

Öryggisstillingar
Við notum kökur til að bæta upplifun þína meðan þú notar vefsíðu okkar. Ef þú ert að nota þjónustu okkar í gegnum vafra geturðu takmarkað, lokað á eða fjarlægt smákökur í gegnum stillingar vafrans þíns. Við notum einnig efni og forskriftir frá þriðja aðila sem kunna að nota rakningartækni. Þú getur veitt samþykki þitt hér að neðan til að leyfa slíkan þriðja aðila. Fyrir frekari upplýsingar um vafrakökur sem við notum, gögn sem við söfnum og hvernig við vinnum úr þeim, vinsamlegast athugaðu Friðhelgisstefna