Leiga
Leit að leiguhúsnæði
Íbúðir til leigu eru venjulega auglýstar í dagblöðum. Fólki í dreifbýli sem leitar að húsnæði er bent á að leita upplýsinga á sínu sveitarfélagi.
Dæmi um hvar hægt er að leita að húsnæði til leigu:
Leiga.is - Visir - MBL - Leigulistinn - Bjarg íbúðafélag - Félagsbústaðir - Brynja leigufélag - Ásbrú fasteignir - Bríet - Fréttablaðið - Heimavellir - Búseti - Leiguland - Leiguskjól - Myigloo
Ef föst búseta þín er á Íslandi eða þú ætlar að gera Ísland að föstum búsetustað ættirðu að skrá heimilisfangið þitt hjá Þjóðskrá. Fastur búsetustaður er staðurinn þar sem einstaklingurinn hefur eigur sínar, eyðir frítíma sínum og sefur og þegar hún/hann er ekki fjarverandi tímabundið vegna orlofs, vinnuferða, veikinda eða af öðrum ástæðum.
Til að skrá lögheimili á Íslandi verður maður að hafa dvalarleyfi (á við um borgara utan EES) og kennitölu (á við um alla). Lögheimili verður að hafa ákveðið heimilisfang í götu eða í húsi með nafni. Þetta heimilisfang ætti að vera uppfært. Að skrá heimilisfang og tilkynna breytt heimilisfang getur þú gert hjá Þjóðskrá Íslands.
Það er alltaf stórt skref að flytja til annars lands. Þú getur fundið mikð af upplýsingum á vefsíðu Fjölmenningarseturs www.mcc.is
Þetta er frekar auðvelt ef þú ert ríkisborgari í EES -landi. Þú þarft að skrá dvöl þína hjá Þjóðskrá Íslands. Þú þarft að hafa atvinnusamning sem tryggir að þú náir að sjá fyrir þér allavega fyrstu þrjá mánuðina.
Nánari upplýsingar á Vefsíða Þjóðskrár Íslands
Ef þú ætlar að dvelja lengur en þrjá mánuði á Íslandi og ert ríkisborgari í landi sem er ekki EES/EFTA aðildarríki þarftu dvalarleyfi. Útlendingastofnun gefur út dvalarleyfi.
Helstu gerðir dvalarleyfa eru byggðar á eftirfarandi:
Vinna
Fjölskyldusameining fyrir nánasta ættingja einhvers sem búsettur er á Íslandi
Nám
Sérstök tengsl
Au pair
Sjálfboðaliði
Trúboði
Lögmætur og sérstakur tilgangur
Nánari upplýsingar er að finna á okkar vefsíðu.
Þú gætir átt rétt á að fá húsaleigubætur ef þú notar félagslega aðstoð eða leigir húsnæði á opnum markaði. Hægt er að sækja um á netinu eða á pappír, en þú ert eindregið hvattur til að veita allar upplýsingar á netinu. Þegar umsókn hefur borist færðu tölvupóst sem staðfestir umsókn þína. Ef þörf er á frekari upplýsingum eða gögnum verður haft samband við þig í gegnum „Mínar síður“ og netfangið sem þú gefur upp í umsókn þinni. Mundu að það er á þína ábyrgð að athuga með beiðnir sem berast.
Ítarlegar upplýsingar og forkröfur:
https://hms.is/husnaedisbaetur/housing-benefit/
https://hms.is/husnaedisbaetur/applying-for-housing-benefit/applying-for-housing-benefit/
https://vefur.island.is/en/homes_and_housing/renting_a_home/housing_benefits/
Þegar flutt er frá Íslandi eru ákveðnir hlutir sem þarf að gæta að. Að gera viðeigandi pappírsvinnu rétt, gerir allt auðveldara. Og það sem skiptir máli, að gera það á meðan þú ert enn á Íslandi.
- Tilkynna Þjóðskrá Íslands að þú munt flytja til útlanda
- Hugsaðu um mögulega yfirfærslu á trygginga- og/eða lífeyrisréttindum þínum. Hafðu einnig í huga önnur persónuleg réttindi og skyldur.
- Athugaðu hvort vegabréfið þitt sé gilt og ef ekki skaltu sækja um nýtt tímanlega.
- Vertu viss um að vita hvaða reglur gilda um dvalar- og atvinnuleyfi í landinu sem þú ert að flytja til.
- Gakktu úr skugga um að allar skattkröfur séu að fullu greiddar
- Ekki flýta þér að loka bankareikningnum þínum á Íslandi, þú gætir þurft á honum að halda í einhvern tíma.
- Gakktu úr skugga um að póstur verði sendur til þín með því að hafa samband við póstþjónustuna eða hafa fulltrúa til að taka á móti póstinum þínum.
- Mundu að loka fyrir aðildarsamninga og annað slíkt áður en þú flytur burt.
Við ráðleggjum þér að skoða eftirfarandi tengla til að fá frekari upplýsingar:
Algengar spurningar hjá Neytendasamtökum Íslands
Allt sem þú þarft að vita um húsnæði á Íslandi
Aðstoð við leigjendur og leigusala
Húsnæðishandbókin er full af upplýsingum um húsnæði á Íslandi, hvernig á að finna gistingu, um leigu, fjárhagsaðstoð og margt fleira.
Fyrir mikið af gagnlegum og mikilvægum upplýsingum um leigu, skoðaðu vefsíðuna www.leigjendur.is (á þremur tungumálum): Enska - Pólska - Íslenska
Síðunni er stjórnað af Neytendasamtökum Íslands og þar er að finna upplýsingar um efni eins og leigusamninga, tryggingu, meðferð húsnæðis og margt fleira.
Hjálparsími leiguaðstoðarinnar
Hafið samband í síma: 545-1200 (12:30 – 15:00 á þriðjudögum og fimmtudögum)
Tölvupóstur: postur [hjá] leigjendur.is
Húsaleigusamningur
Mikilvægt er að gera skriflegan leigusamning við leigusala þegar leiga á íbúð. Þú verður að ganga úr skugga um að þú hafir góðan skilning á skilmálum samningsins, svo sem reglum um tryggingar, uppsagnarfrest og fleira.
Markmiðið með opinberri skráningu samninga er að tryggja og vernda rétt aðila samningsins.
Leigusamningar:
Enska
Pólska
Íslenska
Húsnæðisbætur sveitarfélaga
Húsnæðisbætur eru styrkir sem fást frá sveitarfélagi, með ákveðnum skilyrðum, til að hjálpa fólki að greiða hluta af leigu fyrir húsnæðið sem það býr í.
Ef þú ert með lögheimili á Íslandi getur þú sótt um um húsnæðisbætur frá félagsþjónustu sveitarfélaga. Það hvort húsæðisbætur eru veittar og þá hversu háar, er ákvaðað út frá leigufjárhæð, tekjum og fjölskyldustærð umsækjanda.
Áður en þú getur sótt um húsnæðisbætur verður þú að skrá leigusamning sem gildir í að lágmarki sex mánuði hjá sýslumanni.
Upplýsingar um um húsnæðisbætur fást hjá félagsþjónustu sveitarfélaga og hjá Félagsmálaráðuneytisins. Húsnæðisbætur eru ekki greiddar til íbúa farfuglaheimila, atvinnuhúsnæðis eða einstakra herbergja.
Upplýsingar og reiknivél fyrir húsnæðisbætur er að finna á heimasíðu Húsnæðismálastofnunar. (Húsnæðismálastofnun).
Rafmagn, heitt vatn, sími og internet
Þegar flutt er inn í nýja íbúð er mikilvægt að láta lesa af rafmagns- og hitamælum þannig að leigjandi / kaupandi greiði aðeins fyrir það sem þeir nota.
Bæjarskrifstofur geta veitt upplýsingar um fyrirtæki sem selja og útvega rafmagn og heitt vatn í sveitarfélaginu. Sjá einnig meira varðandi þetta hér.
Nokkur símafyrirtæki starfa á Íslandi og bjóða mismunandi verð og þjónustu fyrir síma- og netsamband. Best er að fara beint til símafyrirtækjanna til að fá upplýsingar um þá þjónustu og verð sem þau hafa upp á að bjóða. Sjá einnig meira varðandi þetta hér.
