Hafin hefur verið vinna við gerð Grænbókar um mannréttindi á vegum forsætisráðherra. Grænbókin er hugsuð sem undanfari frekari stefnumótunar. Í þessari vinnu er lögð mikil áhersla á samráð við íbúa landsins.
Haldnir voru fimm samráðsfundir, á Selfossi, í Reykjavík, á Akureyri, á Egilsstöum og á Ísafirði. Á þessum fundum var rætt um mannréttindamál á íslandi í víðu samhengi og því velt upp hverjar væru helstu áskoranir í þessum efnum sem og tækifæri.
Fundirnir voru vel sóttir og hófust þeir með framsöguerindum þeirra Katrínar Jakobsdóttur og dr. Kára Hólmars Ragnarssonar. Að auki voru flutt örerindi. Að því loknu skipuðu þátttakendur sér á borð þar sem borðstjóri sá um að stýra umræðum.
Á fundinum á Ísafirði þann, þann 8. september, tóku starfsmenn Fjölmenningarseturs að sér borðstjórn ásamt fleirum og Nichole Leigh Mosty, forstöðumaður setursins hélt örerindi.
Góðar umræður urðu í fjölbreyttum hópi þátttakenda en aðkoma almennings er mjög mikilvægur þáttur í svona verkefni.
Verkefnaáætlun Grænbókarinnar (vefsíða á íslensku)
