Háskólar
Háskólar á Íslandi
Á Íslandi eru sjö háskólar, þrír eru í einkafjármögnun og fjórir opinberir. Þeir stærstu eru Háskóli Íslands og Háskólinn í Reykjavík, staðsettir báðir í höfuðborginni, síðan Háskólinn á Akureyri í norðurborginni. Íslenskir háskólar eru þekkingarmiðstöðvar og hluti af alþjóðlegu mennta- og vísindasamfélagi.
Menntastofnanir á háskólastigi samanstanda af ýmsum námsbrautum og deildum innan þessara námsbrauta, rannsóknastofnunum og miðstöðvum og ýmsum þjónustustofnunum og skrifstofum.
Formleg viðmið fyrir háskólanám og prófgráður eru gefin út af menntamálaráðherra. Fyrirkomulag kennslu, rannsókna, náms og námsmats er ákveðið innan háskólans. Viðurkenndar prófgráður fela í sér diplómanám, gráðu sem veitt er að loknu grunnnámi, meistaragráðu, að loknu einu eða fleiri ára framhaldsnámi og doktorsgráðu, að loknu viðamiklu rannsóknartengdu framhaldsnámi.
Háskólarnir bjóða ráðgjafaþjónustu fyrir nemendur og verðandi nemendur. Þjónustan nær til ráðgjafar varðandi val á námi, vinnubrögð og önnur mál sem tengjast námi.
Háskólar:
Háskólasetur:
Íslenska námsárið stendur frá september til maí og skiptist í tvær annir; haust og vor. Yfirleitt er haustönnin frá byrjun september til loka desember og vorönn frá byrjun janúar til loka maí, þó sumar greinar geti verið mismunandi.
Skólagjöld eru mismunandi milli háskóla. Opinberir háskólar hafa ekki skólagjöld þó þeir hafi árlegt skráningar- eða umsýslugjald sem allir nemendur verða að greiða. Nánari upplýsingar um gjaldtöku er að finna á vefsíðum hvers háskóla.
Erlendir námsmenn sækja í íslenskar háskólastofnanir annað hvort sem skiptinemar eða til þess að ná sér í gráðu. Vinsamlegast hafðu samband við alþjóðaskrifstofu þíns heimaháskólatil að fá upplýsingar um háskóla sem samstarf er við.
Forkröfur
Þeir sem ætla að stunda háskólanám þurfa að hafa lokið stúdentsprófi eða sambærilegu prófi. Háskólum er heimilt að setja sérstök inntökuskilyrði og láta nemendur þreyta inntökupróf eða stöðupróf.
Nemendur sem ekki hafa lokið stúdentsprófi eða sambærilegu prófi en að mati viðkomandi háskóla búa yfir jafngildum þroska og þekkingu, geta innritast.
Ennfremur er háskólum heimilt, með samþykki menntamálaráðuneytisins, að bjóða undirbúningsnám fyrir þá sem ekki hafa stúdentspróf.
Fjarnám er í boði í nokkrum háskólum. Nánari upplýsingar um það er hægt að fá á vefsíðum hinna ýmsu háskóla.
Lánasjóður íslenskra námsmanna er lánveitandi námslána. Allar nánari upplýsingar varðandi námslán má finna á vefsíðu sjóðanna. Háskólanemum er boðið upp á margskonar styrki til náms og rannsókna, hér heima og erlendis.
