EnglishPolishIcelandic

FAQs

Algengar spurningar

Algengar spurningar 

Orðabók

Íslensk orð útskýrð 

Valin íslensk orð útskýrð á ýmsum tungumálum. 

Mat á fyrri menntun

Að fara í gegnum það ferli að leggja fram upplýsingar um hæfi þitt og menntun til formlegrar viðurkenningar, getur fjölgað tækifærum þínum og bætt stöðu þína á vinnumarkaði og það gæti leitt til hærri launa.

 

Til að unnt sé að meta hæfi þitt þarftu að leggja fram fullnægjandi gögn sem staðfesta nám þitt, þar á meðal afrit af prófskírteinum, ásamt þýðingum af þeim af löggiltum þýðanda. Þýðingar geta verið á ensku eða norrænni tungu.

 

ENIC / NARIC á Íslandi framkvæmir mat á hæfi og námi erlendis. Þau veita einstaklingum, háskólum, launþegum, fagfélögum og öðrum hagsmunaaðilum upplýsingar um hæfi, menntakerfi og matsferla. Heimsækið vefsíðu ENIC / NARIC til að fá frekari upplýsingar.

 

Framlögð skjöl þurfa að innihalda eftirfarandi:

  • Námsgreinar og lengd náms í árum, mánuðum og vikum. 
  • Starfsmenntun ef hluti af námi. 
  • Atvinnureynsla.
  • Réttindin sem námið veitir í heimalandi þínu. 

Að fá viðurkenningu á fyrri menntun

Viðurkenning á færni og námi er lykillinn að hreyfanleika, námi og starfsmöguleikum fyrir alla innan ESB. Europass er fyrir þá sem vilja skrá nám sitt eða reynslu innan 32 Evrópulanda.

Vefsíða Europass á ensku og á íslensku

 

Matið felst í því að ákvarða stöðu viðkomandi prófs í landinu þar sem það var veitt og vinna úr því hvaða hæfni í íslenska menntakerfinu má bera það saman við. Þjónusta ENIC / NARIC Iceland er ókeypis.

Starfsréttindi

Erlendir ríkisborgarar sem flytja til Íslands og ætla að starfa í þeim geira sem þeir hafa fengið þjálfun í verða að tryggja að starfsréttindi þeirra erlendis séu gild á Íslandi.

 

Þeir sem eru með menntun frá Norðurlöndum eða EES-löndum hafa yfirleitt starfsréttindi sem gilda á Íslandi, en þeir gætu þurft að fá sérstakt starfsleyfi.

 

Þeir sem eru menntaðir í löndum utan EES þurfa nánast alltaf að fá hæfi metið á Íslandi. Viðurkenning á aðeins við um starfsgreinar sem eru viðurkenndar (samþykktar) af íslenskum yfirvöldum.

 

Ef menntun þín nær ekki til faggildrar starfsgreinar er það undir atvinnurekanda komið hvort hún uppfyllir ráðningarskilyrði þeirra eða ekki. Hvert skal senda umsóknir um hæfnimat fer til dæmis eftir því hvort umsækjandi kemur frá EES-ríki eða ríki utan EES.

 

Ákveðin ráðuneyti meta hæfi á þeim sviðum sem þau ná til. Listi yfir ýmsar starfsstéttir og til hvaða ráðuneytis á að leita, má finna hér.

 

Varðandi upplýsingar um hvernig eigi að starfa sem heilbrigðisstarfsmaður sér Landlæknisembættið um allar umsóknir. Með því að fara í gegnum þennan hlekk, má finna mikilvægar reglugerðir og umsóknir fyrir heilbrigðisstarfsmenn til að fá réttindi til að starfa á Íslandi. 

Símenntunarmiðstöðvar (fullorðinsfræðsla)

Markmið fullorðinsfræðslunnar er að koma til móts við þarfir fullorðinna með litla formlega menntun og einnig að koma til móts við þarfir vinnumarkaðarins fyrir starfsmenn með aukna þekkingu og færni.

 

Símenntunarmiðstöðvar eru víða um Ísland og bjóða upp á fjölbreytt tækifæri til símenntunar fyrir fullorðna. Allar miðstöðvarnar bjóða upp á leiðsögn um starfsþróun, þjálfunarnámskeið, íslenskunámskeið og mat á fyrri menntun og starfsfærni.

 

Kvasir eru samtök símenntunarstöðva. Smelltu á kortið hér að neðan til að komast að því hvar miðstöðvarnar eru og hvernig hafa má samband við þær.

Þú getur einnig heimsækja síðu Fræðslumiðstöðvarinnar fyrir gagnlegar upplýsingar um þetta mál.

Öryggisstillingar
Við notum kökur til að bæta upplifun þína meðan þú notar vefsíðu okkar. Ef þú ert að nota þjónustu okkar í gegnum vafra geturðu takmarkað, lokað á eða fjarlægt smákökur í gegnum stillingar vafrans þíns. Við notum einnig efni og forskriftir frá þriðja aðila sem kunna að nota rakningartækni. Þú getur veitt samþykki þitt hér að neðan til að leyfa slíkan þriðja aðila. Fyrir frekari upplýsingar um vafrakökur sem við notum, gögn sem við söfnum og hvernig við vinnum úr þeim, vinsamlegast athugaðu Friðhelgisstefna