Leikskólanám er ekki skylda. Leikskólinn er fyrir öll börn sem eru yngri en sex ára.

Umsókn

• Foreldrar sækja um leikskóladvöl fyrir barn sitt í því sveitarfélagi þar sem barnið er skráð með lögheimili.

• Í sumum sveitarfélögum er hægt að sækja um leikskólapláss þegar barnið fæðist en hjá flestum sveitarfélögum gilda aldurstakmörk.
• Umsóknareyðublöð og móttaka á umsóknum um leikskólavist er í öllum leikskólum, á þjónustumiðstöðvum og á flestum skrifstofum sveitarfélaga.
• Hjá sumum sveitarfélögum er hægt að sækja um leikskóladvöl á vefjum þeirra
  Sveitarfélög á landinu

• Í flestum sveitarfélögum þarf að borga ákveðið gjald fyrir leikskóladvölina. Gjaldið þarf að borga 11 mánuði á ári en gert er ráð fyrir að barn taki fjögurra vikna samfellt sumarleyfi. Nánari upplýsingar um gjaldskrá leikskóla er að finna á vefjum sveitarfélaga. Sveitarfélög á landinu
• Einstæðir foreldrar, námsmenn og öryrkjar fá ákveðinn afslátt af leikskólagjaldi. Þá er einnig veittur systkinaafsláttur ef fleira en eitt barn er á leikskóla. Nánari upplýsingar um afslátt fyrir ákveðna hópa er að finna á vefjum sveitarfélaga.
• Fötluð börn eiga rétt á leikskóladvöl samkvæmt lögum. Hana á að veita á almennum leikskólum með nauðsynlegri stuðningsþjónustu eða á sérhæfðum deildum.
• Leikskólinn á að leggja grunn að íslenskukunnáttu barna sem tala annað móðurmál en íslensku og kynna þeim íslenskt samfélag.
• Biðlistar eru á mörgum leikskólum og geta því foreldrar og barn þeirra þurft að bíða eftir plássi í einhvern tíma. Oftast raðast börn á biðlista eftir aldri, þau elstu fyrst.
• Algengast er að börn sæki leikskóla frá 18 mánaða aldri þar til þau hefja nám í grunnskóla. Börn dvelja allt frá fjórum klukkutímum upp í níu klukkutíma, alla virka daga á leikskólum.
• Þegar barn byrjar í leikskóla er gerður samningur milli leikskólans og foreldrisins. Það er hægt að segja samningnum upp með eins mánaðar fyrirvara.
• Leikskólar eru ýmist reknir af sveitarfélögum, einkareknir eða einkareknir með þjónustusamningi við sveitarfélagið.

Vert að skoða

Leikskólar á landinu á menntagatt.is

Börnin okkar, samtök foreldrafélaga leikskóla í Reykjavík

Heimili og skóli, landssamtök foreldra

Fjölmenning í leikskólum

Leikskólar á island.is

Leikskólar á landinu á vef menntamálaráðuneytis

Leikskólar á vef Reykjavíkurborgar

Netla, veftímarit um uppeldi og menntun, Rannsóknarstofnun KHÍ

Til baka, Senda grein, Prenta greinina