Rafmagn og hiti

Heitt og kalt vatn ásamt rafmagni eiga að vera til staðar í öllu íbúðarhúsnæði og er húsnæði á Íslandi hitað upp með heitu vatni.

Þegar flutt er inn í íbúð eða hús er mikilvægt að láta lesa af mælum vegna orkunotkunar svo aðeins sé greitt fyrir eigin notkun.

Í sumum tilfellum eru hiti og rafmagn innifalin í leigu en ef ekki þurfa leigjendur að greiða fyrir notkunina sjálfir.

Yfirleitt eru reikningar sendir mánaðarlega og byggja þeir reikningar á áætlaðri orkunotkun íbúanna í viðkomandi húsnæði. Einu sinni á ári er svo sendur uppgjörsreikningur samkvæmt álestri en þá les starfsmaður orkufyrirtækisins á mælana sem mæla orkunotkunina á heimilinu.

Skrifstofur sveitarfélaga geta gefið upplýsingar um fyrirtæki sem selja rafmagn og heitt vatn í viðkomandi sveitarfélagi.   Rafmagn og hiti undir sveitarfélagið mitt

Sjá bækling Orkuveitu Reykjavíkur um nauðsynlegar upplýsingar fyrir orkunotendur og þá sem eru að flytja í nýtt húsnæði

• Bæklingur á ensku
• Bæklingur á pólsku
• Bæklingur á taílensku