Flutningur lögheimilis

Upplýsingar fyrir þá sem flytja innanlands

  • Þegar flutt er úr einu húsnæði í annað, milli sveitarfélaga eða landshluta, skal samkvæmt lögum tilkynna um flutninginn innan sjö daga.
  • Nýtt lögheimili er skráð með því að fylla út eyðublaðið Flutningur innanlands á heimasíðu Þjóðskrár Íslands. Þú þarft að nota Íslykil eða rafræn skilríki. 

Minnislisti vegna flutninga:

  • Tilkynna nýtt heimilisfang til Íslandspósts.
  • Hægt er að flytja heimasímanúmer með sér hvert á land sem er. Nánari upplýsingar fást í þjónustuverum og á vefjum símafyrirtækja.
  • Lesa af orkumælum, rafmagns-, heita- og kaldavatnsmælum. Hægt er að skrá aflestur af mælum og tilkynna notendaskipti, rafrænt á vefjum nokkurra orkufyrirtækja, annars skal hafa samband við skrifstofur þeirra og panta aflestur og tilkynna notandaskipti.
  • Ef börn og unglingar skipta um leik- og/eða grunnskóla þarf að tilkynna flutning til gamla skólans og sækja um í nýjum skóla.
  • Kynna sér hvaða heilsugæsla eða heilbrigðisstofnun starfar á því svæði sem flutt er til. Tilkynna sig og sína og sækja um heimilislækni.
  • Undir ‘Sveitarfélagið mitt' má nálgast upplýsingar um sveitarfélagið sem flutt er til og tengil inn á heimasíðu sveitarfélagsins.
  • Hjá þjónustuskrifstofum Vinnumálastofnunar má finna upplýsingar um störf í boði, starfsnámskeið og atvinnuleysisskráningu.

Tilkynning um breytingu á heimilisfangi hjá Íslandspósti



Til baka, Senda grein, Prenta greinina