Íbúar í leiguhúsnæði geta átt rétt á húsaleigubótum hvort sem þeir leigja félagslegt húsnæði eða á almennum markaði. Réttur til húsaleigubóta fer eftir tekjum einstaklingsins.

Umsókn og reglur

• Umsókn um húsaaleigubætur á að skila til þess sveitarfélags þar sem umsækjandi á lögheimili.
• Umsókn þarf að endurnýja í upphafi hvers árs.
• Eyðublöð fást á skrifstofum sveitarfélaganna og á vef velferðarráðuneytis en sum sveitarfélög hafa útbúið sérstök eyðublöð.
• Húsaleigusamningi þarf að þinglýsa sé ætlunin að sækja um húsaleigubætur. Það er gert á sýsluskrifstofum landsins.
• Sum sveitarfélög veita sérstakar húsaleigubætur til þeirra sem búa við erfiðar félagslegar og fjárhagslegar aðstæður. Sækja þarf um þessar bætur hjá félagsþjónustu sveitarfélaganna. Sérstakar húsaleigubætur og sveitarfélög sem þær bjóða
• Til að eiga rétt á húsaleigubótum þarf umsækjandi að eiga lögheimili í húsnæðinu. Námsmenn er sækja nám í annað sveitarfélag eru undanþegnir þessu skilyrði.
• Bætur eru ekki greiddar vegna leigu á herbergi með sameiginlegum aðgangi að eldhúsi og snyrtingu, né íbúða í atvinnuhúsnæði. Undanþegnir frá þessum skilyrðum eru:
• 1. Námsmenn sem leigja á stúdentagörðum eða á heimavist.
  2. Fatlaðir sem leigja á sambýlum.
• Húsaleigubætur eru reiknaðar út frá leiguupphæð, fjölskylduhögum, tekjum og eignum.
• Húsaleigubætur eru skattfrjálsar en framtalsskyldar.
• Umsækjandi um húsaleigubætur getur kært afgreiðslu umsóknar til úrskurðarnefndar um félagsþjónustu sveitarfélags ef honum finnst ekki rétt að málum staðið.

• Úrskurðarnefnd félagsþjónustu og eyðublað fyrir kæru
• Húsaleigusamningur á íslensku
• Húsaleigusamningur á ensku
• Húsaleigusamningur á pólsku
• Húsaleigusamingur á spænsku

Til baka, Senda grein, Prenta greinina