Heilsuvernd og forvarnir

Hver og einn ber eins mikla ábyrgð á heilsu sinni og ástand hans leyfir. Með því að stunda heilsusamlegt líferni leggur einstaklingurinn sitt af mörkum til þess að viðhalda heilsu sinni og heilsufari þjóðarinnar í heild.
Rétt mataræði, hreyfing, að gæta hófs í mat og drykk, geðrækt og fleira hefur áhrif á heilsuna og lífsgæði fólks.
Heilsuvernd er einn af undirstöðuþáttum lýðheilsu. Lýðheilsustarf miðar að því að viðhalda og efla heilbrigði, lengja líf og auka lífsgæði fólks í víðum skilningi með forvarnarstarfi og samfélagslegri ábyrgð á heilbrigði.
Lýðheilsustöð er ætlað að samræma og efla lýðheilsustarf í landinu og á vef Lýðheilsustöðvar má finna upplýsingar og hollráð um heilsuna, geðrækt, áfengis- og vímefnavarnir, næringu og holdafar, slysavarnir, tannvernd og fleira.