-
Þegar fólk verður veikt getur það leitað til heilsugæslustöðva sem eru víða um land og í öllum hverfum höfuðborgarsvæðisins. Fólk á yfirleitt fyrst að fara á heilsugæslu ef það er veikt eða vegna annara heilsufarsvandamála.
-
Þeir sem þurfa á túlki að halda eiga rétt á honum en taka þarf fram þegar tíminn er pantaður að viðkomandi þurfi túlk.
-
Ef um slys er að ræða eða alvarleg veikindi er hægt að fara á slysamóttöku Landsspítalans (slysó) eða á spítala utan höfuðborgarsvæðisins.
-
Ef um alvarleg slys er að ræða eða veikindi þá á að hringja í neyðarnúmerið 112.
-
Þeir sem eru sjúkratryggðir þurfa aðeins að borga hluta af komugjaldi þegar þeir leita læknis en þeir sem ekki eru sjúkratryggðir þurfa að borga fullt gjald.
-
Lækna- og hjúkrunarmóttaka Heilsuverndar er opin virka daga á milli klukkan 9 og 12 og frá klukkan 16 til 18. Hægt er að panta tíma í síma 510-6500 alla daga milli 09-15 en einnig er um opna móttöku að ræða þar sem einstaklingar geta komið ef um heilsufarsvandamál er að ræða án þess að panta tíma.
-
Allir eiga rétt á túlkun þegar þeir þurfa að notfæra sér þjónustu heilbrigðiskerfisins tali þeir ekki íslensku. Ef viðkomandi þarf á túlki að halda þarf hann að taka það fram þegar tími er pantaður hjá lækni á heilsugæslustöð eða á sjúkrahúsi. Ef viðkomandi er sjúkratryggður á hann rétt á endurgreiðslu kosnaðarins, annars þarf hann að borga sjálfur.
