Breytingar á lögum um útlendinga (nr. 96/2002)
- sem taka gildi 1. ágúst næstkomandi
Þann 1. ágúst munu breytingar á lögum um útlendinga (nr. 96/2002) taka gildi.
Ríkisborgarar innan EES
Í kjölfar breytinganna munu ríkisborgarar innan EES-svæðisins (EES/EFTA) ekki þurfa dvalarleyfi á Íslandi en þurfa þess í stað að skrá dvöl sína og tilgang dvalar sinnar hér á landi hjá Þjóðskrá
Ríkisborgarar ríkja utan EES, sem eru aðstandendur EES-ríkisborgara, þurfa áfram að sækja um dvalarleyfi hjá Útlendingastofnun eins og áður.
Ríkisborgarar utan EES
Breytingarnar ná einnig til þeirra sem koma frá ríkjum utan EES (EES/EFTA) og dvalarleyfum tengdum atvinnuþátttöku.
Eftir breytingarnar munu dvalarleyfi sem veitt eru á grundvelli atvinnuþáttöku skiptast upp í þrjá flokka; dvalarleyfi vegna starfs sem krefst sérfræðiþekkingar, dvalarleyfi fyrir íþróttafólk og dvalarleyfi vegna skorts á vinnuafli.
Þeir sem fengu veitt dvalar- og atvinnuleyfi án takmarkanna (B-leyfi) fyrir breytingarnar halda réttindum sínum og dvöl þeirra mun þannig halda áfram að telja upp í búsetuleyfi. Þeir eiga rétt á fjölskyldusameiningu.
Þeir sem fengu veitt dvalar- og atvinnuleyfi með takmörkunum (C-leyfi) fyrir breytingarnar falla nú, með nýju lögunum, undir dvalarleyfi vegna tímabundins skorts á vinnuafli. Dvöl þeirra mun því ekki telja upp í búsetuleyfi og þeir eiga ekki rétt á fjölskyldusameiningu.
Nánari upplýsingar eru væntanlegar