Fjölmenningarþing Reykjavíkurborgar 25. mars 2017

7.3.2017 Fréttir


Fjölmenningarþing Reykjavíkurborgar „Tölum saman“ verður haldið nú í fjórða sinn laugardaginn 25. mars, 2017 í Ráðhúsi Reykjavíkur. Markmiðið með þinginu er að bæta þjónustu Reykjavíkurborgar við innflytjendur en alls búa um það bil 17.000 innflytjendur í borginni.

 

Líkt og fyrri ár, er undirbúningur og framkvæmd í höndum Mannréttindaskrifstofu Reykjavíkurborgar í samstarfi við Fjölmenningarráð Reykjavíkur.

 

Allir sem hafa áhuga á því að taka þátt í þinginu og þannig stuðla að bættri þjónustu borgarinnar við innflytjendur eru hvattir til að skrá sig  á netfangið immigrants@reykjavik.is fyrir 20. mars 2017

Taka þarf fram nafn, kennitölu, netfang og á hvaða tungumáli viðkomandi vill taka þátt.

 

Umræðuefnin á þinginu verða eftirfarandi:

Atvinnumál – aðgengi að upplýsingum sem varða réttindi og skyldur bæði launþega og atvinnurekenda.

Húsnæðismál – aðgengi innflytjenda að viðunandi leiguhúsnæði.

Fjölmenningardagur Reykjavíkurborgar – endurspeglar núverandi fyrirkomulag nægjanlega vel áhrif og þátttöku innflytjenda í samfélaginu?

Ráðgjöf innflytjenda – hvert skal leita?

 

Hópavinna verður með borðstjóra á 11 tungumálum:

íslensku, ensku, pólsku, litháísku, rússnesku, tælensku, víetnamísku, tagalog, spænsku, arabísku og kínversku.

 

Þingið stendur frá klukkan 10:00 til 15:30

 

Dagskrá verður aðgengileg á reykjavik.is og facebook 

 

Senda grein