Umsóknafrestur um íslenskan ríkisborgararétt til Alþingis er 3. mars 2017

31.1.2017 Fréttir

Alþingi hefur heimild til að veita íslenskan ríkisborgararétt með lögum. Uppfylli umsækjandi ekki skilyrði sem sett eru fyrir veitingu íslensks ríkisborgararéttar í lögum nr. 100/1952 getur hann óskað eftir að umsókn hans verði lögð fyrir Alþingi. Umsóknir eru alla jafna lagðar fyrir Alþingi tvisvar á ári, á vormánuðum og í desembermánuði. Frestur til að sækja um íslenskan ríkisborgararétt til Alþingis í vor er til og með 3. mars 2017. Fylla þarf út sérstakt umsóknareyðublað fyrir beiðni um þingmeðferð. Á umsóknareyðublaðinu þarf umsækjandi að gefa almennar upplýsingar um sig og fjölskylduhagi sína og veita hnitmiðaðan rökstuðning fyrir beiðni til Alþingis um undanþágu frá ríkisborgaralögum. Auk rökstuðningsins er umsækjanda frjálst að leggja fram ítarlegri greinargerð um ástæður undanþágubeiðninnar. Gjald fyrir umsóknir um íslenskan ríkisborgararétt er 15.000 kr. en nánar má lesa um afgreiðslugjald á heimasíðu Útlendingastofnunar. Umsóknareyðublað fyrir beiðni um þingmeðferð Upplýsingar um fylgigögn almennra umsókna Hafi umsækjandi áður lagt fram umsókn um íslenskan ríkisborgararétt til Útlendingastofnunar þarf ekki að leggja fram öll fylgigögn aftur. Nánari upplýsingar má finna undir liðnum Algengar spurningar á heimasíðu Útlendingastofnunar.

Senda grein