Frestur til að leggja fram umsókn um íslenskan ríkisborgararétt fyrir Alþingi er til og með 2. mars 2015

2.2.2015 Fréttir

Alþingi hefur heimild til að veita íslenskan ríkisborgararétt með lögum. Uppfylli umsækjandi ekki skilyrði sem sett eru fyrir veitingu íslensks ríkisborgararéttar í lögum nr. 100/1952 getur hann óskað eftir að umsókn hans verði lögð fyrir Alþingi. Umsóknir eru lagðar fyrir Alþingi tvisvar á ári, á vormánuðum og í desembermánuði.


Frestur til að leggja fram beiðni um að umsókn verði lögð fyrir Alþingi á vormánuðum 2015 er til og með mánudagsins 2. mars.


Auk umsóknar, fylgigagna og greiðslukvittunar þarf umsækjandi að skila inn skriflegri beiðni þar sem rökstutt er hvers vegna umsóknin skuli lögð fyrir Alþingi.

Sjá frétt á vef Útlendingastofnunar

Senda grein