Fréttir
Skráning í íslenskupróf vegna umsóknar um íslenskan ríkisborgararétt hefst þann 1. mars nk.
Íslenskupróf, vegna umsóknar um íslenskan ríkisborgararétt, verða haldin hjá Námsmatsstofnun 31. maí næstkomandi fyrir þá sem hafa skráð sig í próf fyrir 10. maí. Þeir sem skrá sig eftir þann tíma eiga kost á því að taka próf í desember 2010.
Prófin verða haldin í Reykjavík og utan höfuðborgarsvæðisins ef næg þátttaka fæst.
Skráning í prófin hefst 1. mars nk. og fer hún fram með rafrænum hætti á vef Námsmatsstofnunar, www.namsmat.is. Þar er einnig að finna nánari upplýsingar um hvar prófin fara fram, sýnishorn af verkefnum og prófkröfur. Einnig eru veittar upplýsingar í síma 550-2400.
Gjald fyrir þátttöku í prófi er 7.000 krónur.