Fréttir
Könnun á viðhorfum og aðstæðum innflytjenda á Íslandi
Um átta hundruð þátttakendur af erlendum uppruna lögðu rannsókninni lið en listi með á annað hundrað spurningum var lagður fyrir á vinnustöðum eða póstsendur til viðkomandi einstaklinga.
Margt áhugavert kemur í ljós þegar niðurstöður könnunarinnar eru skoðaðar og varpar hún m.a. ljósi á eftirfarandi spurningar:
- Hve hátt hlutfall svarenda á sitt eigið húsnæði?
- Hversu tekjuhár er þessi hópur landsmanna?
- Hversu hátt hlutfall hefur skrifað undir ráðningarsamning?
- Hafa þátttakendur áhuga á að læra íslensku?
- Er áhugi fyrir því að taka þátt í starfi stjórnmálaflokks á Íslandi?
Styrktaraðilar könnunarinnar eru Alþýðusamband Íslands, félags- og tryggingamálaráðuneytið, Lýðheilsustöð, Reykjavíkurborg, Samband íslenskra sveitarfélaga, Samtök atvinnulífssins, Vinnumálastofnun og Þróunarsjóður innflytjendamála.
Könnunin er samstarfsverkefni Félagsvísindastofnunar Háskóla Íslands og Fjölmenningarseturs en öll úrvinnsla og skýrslugerð var í höndum Félagsvísindastofnunar.
Helstu niðurstöður á öðrum tungumálum:
- Enska: Primary Findings
- Pólska: Podsumowanie ankiety
- Serbneska/króatíska: Rezultati analize
- Taílenska: ผลของการสำรวจโดยสังเขป