Fulltrúar frá taílenska sendiráðinu í Danmörku verða á Íslandi 9. og 10. maí nk.

8.4.2009 Fréttir

Fulltrúar frá taílenska sendiráðinu í Danmörku verða á Íslandi 9. og 10. maí næstkomandi til að taka á móti umsóknum um vegabréf og umsóknum um skráningu barna sem fæðst hafa á Íslandi.

Gögn sem þurfa að fylgja með umsókn fyrir fullorðna ( eldri en 20 ára)

1. Umsókn um vegabréf (eyðublöð til hjá Búddistafélagi Íslands)
2. Nafnskírteini frá Taílandi með upplýsingum um 13 stafa ID númer

(einnig ljósrit af nafnskírteininu )

3. Vegabréf umsækjanda
4. Ljósrit af fyrstu tveimur blaðsíðum í vegbréfinu  (mynd og upplýsingar um gildistíma vegabréfs)
5. Ljósrit af dvalarleyfi (skírteini) á Íslandi
6. Umslag þar sem búið er að skrifa utan á nafn umsækjanda og heimilisfang á Íslandi (til að senda til baka)
7. 290 kr danskar

 Gögn sem þurfa að fylgja með umsókn fyrir yngri en 20 ára

1. Umsókn um vegabréf (eyðublað til hjá Búddistafélagi Íslands)
2. Nafnskírteini frá Taílandi með upplýsingum um 13 stafa ID númer og ljósrit af nafnskírteininu (ef við á)
3. Vegabréf umsækjanda (ef umsækjandi hefur áður fengið vegabréf)
4. Fæðingarvottorð og ljósrit af vottorðinu.
5. Hjúskaparvottorð foreldra og ljósrit af vottorðinu
6. Vegabréf foreldra og ljósrit af nafnskírteini foreldra frá Taílandi með upplýsingum um 13 stafa ID númer.
7. Forsjárgögn eða upplýsingar um hver sé með forræði barnanna. Foreldrar eða forráðamenn þurfa að skrifa undir umsókn fyrir börnin.
8. Umslag þar sem búið er að skrifa utan á nafn umsækjanda og heimilisfang á Íslandi (til að senda til baka)
9. 290 kr danskar

Þann 19. apríl á milli kl 13.00 – 16.00 er hægt að koma í húsnæði Búddistafélags Íslands, Víghólastíg 21, 200 Kópavogi og fá aðstoð og upplýsingar.

Nánari upplýsingar er hægt að fá hjá Búddistafélagi Íslands í síma 564-0315 eða hjá Andreu Sompit Siengboon í síma 896-2170