Fréttir
Auglýsing um próf í íslensku fyrir umsækjendur um íslenskan ríkisborgararétt
Dóms- og kirkjumálaráðuneytið vekur athygli á eftirfarandi
Íslenskupróf vegna umsóknar um íslenskan ríkisborgararétt hefjast hjá Námsmatsstofnun hinn 8. júní næstkomandi fyrir þá sem hafa skráð sig í próf fyrir 15. maí. Þeir sem skrá sig eftir þann tíma eiga kost á því að taka próf í nóvember/desember á þessu ári. Prófin verða haldin í Reykjavík og utan höfuðborgarsvæðisins ef næg þátttaka fæst.
Skráning í prófin fer fram með rafrænum hætti á vef Námsmatsstofnunar, www.namsmat.is, og þar er einnig að finna nánari upplýsingar um það í hvaða húsnæði prófin fara fram, sýnishorn af verkefnum og prófkröfur. Einnig eru veittar upplýsingar í síma 550 2400. Gjald fyrir þátttöku í prófi er 7000 krónur.
Auglýsing um próf í íslensku fyrir umsækjendur um íslenskan ríkisborgararétt - pdf