Vinna

• Danskir, finnskir, norskir og sænskir ríkisborgarar þurfa ekki atvinnuleyfi á Íslandi. Það sama gildir um ríkisborgara ríkja innan Evrópska efnahagssvæðisins (EES), utan ríkisborgara Búlgaríu og Rúmeníu.
• Aðrir erlendir ríkisborgarar þurfa að útvega atvinnuleyfi fyrir komuna til landsins og er það atvinnurekandinn sem sækir um leyfið.
• Allir hafa rétt á að vera í verkalýðsfélagi en verkalýðshreyfingin er málsvari launþega og tryggir réttindi þeirra. Það er ekki skylda að vera í verkalýðs- eða stéttarfélagi en það eru ýmis réttindi sem fylgja því að vera skráður í verkalýðs- eða stéttarfélag.
• Að þiggja svarta vinnu er lögbrot. Þeir sem stunda vinnu á Íslandi eiga að borga skatt af launum sínum og er það yfirleitt atvinnurekandinn sem sér um að draga skatt og önnur gjöld af launum starfsmanna sinna. 
• Verktakar skila sköttum og launatengdum gjöldum sjálfir.
• Starfsréttindi eru jafngild innan EES-svæðisins en útlendingar utan EES-svæðisins þurfa jafnan að fá starfsréttindi sín metin hér á landi sjálfir.
• Launþegar ættu alltaf að fara fram á að gerður yrði skriflegur ráðningarsamningur og fylgjast með því að launaseðlar séu í samræmi við samning og að laun séu í réttu hlutfalli við unna tíma.

Til baka, Senda grein, Prenta