menntun

Menntun

• Samkvæmt lögum hafa allir jafnan rétt til náms, án tillits til kyns, fjárhags, búsetu, trúar, fötlunar og menningarlegs eða félagslegs uppruna.
• Á Íslandi skiptist skólakerfið upp í fjóra hluta. Leikskóla, grunnskóla, framhaldsskóla og háskóla.
• Leikskóli er fyrir börn yngri en sex ára og er ekki skylda. Þegar börn eru á sjötta aldursári þá byrja þau í grunnskóla.
• Grunnskólanám er skylda. Börn og unglingar á aldrinum 6-16 ára stunda nám í grunnskóla sem skiptist upp í tíu bekki, 1. bekk til 10. bekk.
• Framhaldsskóli tekur við af grunnskóla en er ekki skylda. Þeir sem ljúka grunnskóla geta farið í framhaldsskóla þar sem hægt er að stunda bæði bóklegt og verklegt nám. Venjulegt bóklegt nám í framhaldsskóla tekur að meðaltali fjögur ár.
• Þeir sem ljúka framhaldsskóla útskrifast með stúdentspróf, sveinspróf eða með ákveðin starfsréttindi og geta þá haldið áfram námi í viðkomandi háskólum.