Ef upp koma vandamál vegna áfengis- og vímuefnanotkunar hjá einstaklingi eða fjölskyldu eru nokkur félagasamtök sem veita aðstoð, ráðleggingar og stuðning.

AA-samtökin á Íslandi

Alþjóðleg samtök sem veita stuðning og styrk fyrir einstaklinga sem berjast við áfengisvanda. Fundir eru víðs vegar um landið og eru á íslensku og ensku. Hægt er að nálgast lesefni á ensku, íslensku og pólsku. Skrifstofa samtakanna er opin klukkkan 11–16.

Al-Anon

Skrifstofan er opin á þriðjudögum og fimmtudögum klukkan 10–13.

Al-Anon fjölskyldudeildirnar eru samtök ættingja og vina alkóhólista sem deila reynslu sinni svo þeir megi leysa sameiginleg vandamál sín. Fundir eru á íslensku og haldnir víðs vegar um landið. Einstaklingar geta myndað hóp og fengið fræðslunefni hjá Al-anon á ýmsum tungumálum.

SÁÁ, Samtök áhugafólks um áfengis- og vímuefnavandann

SÁÁ starfrækir afvötnunar- og endurhæfingarstöð fyrir alkóhólista og vímuefnaneytendur og einnig göngudeild. Veittur er stuðningur fyrir aðstendur. SÁÁ vinnur einnig forvarnastarf.

SÁÁ er starfrækt í Reykjavík og er með miðstöð á Akureyri.